Թուրքիան և Մեծ Բրիտանիան մտադիր են առևտրաշրջանառությունը հասցնել 24 մլրդ դոլարի
Թուրքիայում Անգլիայի առևտրային պալատի նախագահ Քրիս Գաունտն անդրադարձել է Թուրքիայի և Միացյալ Թագավորության միջև առկա առևտրային հարաբերություններին: Այս մասին տեղեկացնում է ermenihaber.am-ը։
Գաունտը նշել է, որ պլանավորվում է մինչև 2023-ի տարեվերջ երկկողմ առևտրաշրջանառության ծավալները հասցնել 24 մլրդ դոլարի, որը երկուստեք դրական ազդեցություն կունենա:
Նա նաև տեղեկացրել է, որ Միացյալ Թագավորության և Թուրքիայի միջև կնքված ազատ առևտրի համաձայնագրի շրջանակներում առաջիկայում նոր ծրագրեր են մշակվելու և կյանքի կոչվելու:
Նշենք, որ նախքան «COVID-19» համաճարակը, երկկողմ առևտրի ծավալները հասնում էին մինչև 23 մլրդ դոլարի:
