Ղարաբաղին մենակ թողնելու վերաբերյալ արձագանքներին կարող եմ մեկ բառով գնահատական տալ՝ երախտամոռություն․ Նիկոլ Փաշինյան
Պատասխանելով ԱԺ «Հայաստան» խմբակցության ղեկավար Սեյրան Օհանյանի հարցին, թե ո՞րն է ՀՀ ռազմավարությունը Արցախի ապագայի վերաբերյալ՝ ձեր «Ապագա կա» ծրագրերի շրջանակներում, Նիկոլ Փաշինյանը պատասխանեց, թե իրենց ռազմավարությունը ՀՀ-ի պետականությունը, ինքնիշխանությունն ամրապնդելն է։
«Մենք շարունակելու ենք այս ճանապարհով։ Գնալով համոզվում եմ, որ որոշ ուժերի կողմից երկար տարիներ ԼՂ հարցը օգտագործվել է մի նպատակի համար, «որ ՀՀ-ում պետություն չկայանա»»։
Փաշինյանն անդրադարձավ այն դիտարկումներին, որ ՀՀ կառավարությունն անտարբեր է մնացել Արցախի նկատմամբ, որ Ղարաբաղին մենակ են թողել, հայտարարեց.
«Նման արձագանքներին կարող եմ մեկ բառով գնահատական տալ՝ երախտամոռություն, ուրիշ բառ ես պարզապես չեմ կարող օգտագորել»։
