Կազմակերպված հանցավոր խմբի նախկին առաջնորդ Անդրանիկ Ասոյանը հրդեհի ժամանակ կնոջ հետ ցած է նետվել պատուհանից. Mash
Նոր Մոսկվայում՝ բռնկված հրդեհի ժամանակ Կիրովից հայկական կազմակերպված հանցավոր խմբի նախկին ղեկավար Անդրանիկ Ասոյանը և նրա քաղաքացիական կինը՝ 34-ամյա Լյուդմիլա Իվանովան, ցած են նետվել 11-րդ հարկի բնակարանի պատուհանից։ Այս մասին հայտնում է Mash Telegram ալիքը։
Հաղորդվում է, որ ավելի քան 15 տարի առաջ Ասոյանն իր հայրենակիցներից Կիրովում ստեղծել է կազմակերպված հանցավոր խումբ, հանցախումբը գումար է հափշտակել Վյատկայի գործարարներից։ Հանցավոր սխեմայի էությունը կազմակերպությունների և ձեռնարկատերերի միջև ալկոհոլի և ապրանքների գնման պայմանագրերի կնքումն էր, հանցախումբն աշխատել են «Քրիստինա» ՍՊԸ-ի անվան տակ:
Գնված ապրանքները վաճառվել են զեղչված գնով, սակայն հասույթը պահվել են իրենց և և գործարարների հետ հաշիվներ չեն մաքրել, հայտնում է Telegram ալիքը։
Բանդան բռնվել է 2008 թվականի դեկտեմբերին, իսկ նրա ղեկավար Անդրանիկը ստացել է հերթական քրեական դատվածությունը և 8,5 տարով ուղարկվել ընդհանուր ռեժիմի գաղութ։ Ալիքի տեղեկություններով՝ Ասոյանի նկատմամբ դատավճիռը կայացրել է Կիրովի Օկտյաբրսկի շրջանային դատարանը։
Այն ժամանակ դատարանը Ասոյանի գործողությունները որակել է ՌԴ ՔՕ 33-րդ հոդվածի 3-րդ մասի 159-րդ մասի 4-րդ մասով որպես խարդախություն, այն է՝ խմբով կազմակերպված խաբեությամբ ուրիշի ունեցվածքի հափշտակությանը կազմակերպչի հանցակցություն։
Նախնական տեղեկություններով՝ Ասոյանն ու Իվանովան սենյակ էին վարձում այս բնակարանում։ Հարևանները պատմել են, որ վերջին մի քանի օրվա ընթացքում իրենց միջև վեճեր են լսել: Մոսկվայի դատախազությունը վերահսկում է բոլոր հանգամանքների պարզումը։
