Արագածոտնի մարզում «Գազել»-ն արգելափակվել է ձյան մեջ․ 13 քաղաքացու օգնություն է ցուցաբերվել
Նոյեմբերի 20-ին, ժամը 20։49-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Թաթուլ-Հացաշեն ավտոճանապարհին «GAZel» մակնիշի ավտոմեքենան արգելափակվել է ձյան մեջ և չի կարողանում շարունակել ընթացքը․ դուրս բերելու համար անհրաժեշտ է փրկարարների օգնությունը:
ՀՀ ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարներն արգելափակումից դուրս են բերել «GAZel» մակնիշի ավտոմեքենան (վարորդ՝ Պ․ Գ․) և վարորդին ու 12 ուղևորներին ցուցաբերել համապատասխան օգնություն:
