Խամենեին իսլամական երկրներին կոչ է արել «գոնե ժամանակավորապես» խզել հարաբերություններն Իսրայելի հետ
Իրանի գերագույն հոգևոր առաջնորդ Ալի Խամենեին իսլամական երկրներին կոչ է արել Գազայի հատվածում ռազմական գործողությունների ֆոնին «գոնե ժամանակավորապես» խզել հարաբերությունները Իսրայելի հետ: Այս մասին գրում է mehrnews.com-ը:
«Իսլամական երկրները պետք է գոնե ժամանակավորապես դադարեցնեն քաղաքական հարաբերությունները Սիոնիստական ռեժիմի հետ (Իսրայել)»,- ասել է նա:
Այաթոլլահ Խամենեին ընդգծել է, որ Իսրայելի դատապարտումն ամենևին էլ բավարար չէ՝ կոչ անելով մուսուլմանական երկրներին բոյկոտել Իսրայելը։
«Գլխավոր աշխատանքը, որ կարելի է անել, սիոնիստական ռեժիմի կենսական զարկերակի և հոսքի կտրումն է, և իսլամական կառավարությունները պետք է թույլ չտան վառելիքի և ապրանքների մուտքը այնտեղ»,- հավելել է Իսլամական հեղափոխության առաջնորդը։
«Իսլամական պետությունները պետք է առնվազն ժամանակավորապես խզեն իրենց քաղաքական հարաբերությունները սիոնիստական ռեժիմի հետ»,- հավելել է Այաթոլլահ Խամենեին։
