Ո՞վ ժամանակ չի գտել բանակցությունների գնալ Բրյուսել
«Ազատության» հարցին, թե Բրյուսելում Միշել-Փաշինյան-Ալիև հանդիպման չեղարկումը պատճառաբանվեց ժամանակի սղությամբ, ո՞վ ժամանակ չի գտել բանակցությունների մեկնել Բրյուսել, արտգործնախարար Արարատ Միրզոյանը պատասխանեց.
«Ակնհայտորեն Ադրբեջանի նախագահը, որովհետև մենք հիմա էլ պատրաստ ենք մասնակցել այդ հանդիպմանը, ընդգծելով, որ Հայաստանը շարունակում է հավատարիմ մնալ խաղաղության օրակարգին»։
Միրզոյանն այսօր նաև հավելեց, որ օրերս Թեհրանում ոչ պաշտոնական շփում է ունեցել Ադրբեջանի արտգործնախարարի հետ։
