Գաստրոէնտերոլոգը` այրոցի հիմնական պատճառների մասին
Սթրեսը այրոցի հիմնական պատճառներից մեկն է։ Այս մասին Gazeta.Ru-ի հետ զրույցում ասել է INVITRO-Voronezh-ի գաստրոէնտերոլոգ Միլանա Խալիլը։
Որպես պատճառներ, որոնք կարող են բացասաբար ազդել աղեստամոքսային տրակտի վրա, փորձագետը նշել է նյարդային աշխատանքը, քնի պակասը և հաճախակի վեճերը։
Մասնագետի խոսքով՝ այրոց են առաջացնում նաև ծխելը, ալկոհոլը, վատ սնվելը:
«Կոկորդում կարող է լինել թթու համի կամ դառնության զգացում: Որպես կանոն, սննդակարգի պահպանման դեպքում այրոցը կարող է անհետանալ կամ ավելի քիչ ակնհայտ դառնալ։ Նաև այս վիճակը կարող է ուղեկցվել այնպիսի ոչ սպեցիֆիկ դրսևորումներով, ինչպիսիք են կոկորդի ցավը, չոր հազը, ուստի ճիշտ ախտորոշման համար անհրաժեշտ է ժամանակին դիմել բժշկի»,- ըստ shantnews-ի՝ պարզաբանել է բժիշկը։
Խալիլի հիմնական խորհուրդը կերակուրները խմբերի բաժանելն է։ Առաջին խումբը պետք է պարունակի մրգեր և թթու ըմպելիքներ (մրգահյութ): Երկրորդում պետք է լինեն մթերքները, որոնք ուժեղացնում են մարսողական ֆերմենտների արտադրությունը, օրինակ՝ շատ սառը կամ տաք մթերքները։ Երրորդ խմբում կարող են լինել ստամոքսի լորձաթաղանթի գրգռիչները՝ քաղցրավենիք, ալկոհոլ, անանուխ, չափից դուրս տաք սնունդ։ Իսկ չորրորդ կատեգորիան կներառի այն ապրանքները, որոնք առաջացնում են ավելորդ գազի գոյացում՝ հրուշակեղեն, լոբի, կաղամբ և արագ սնունդ։
