«Արթուր Չախոյանի վերաբերյալ քրեական վարույթը բովանդակային առումով Էդգար Կուչուկյանի մասին չէ, այն կոռուպցիայի դեմ պայքարում պետության վճռականության մասին է». Նարեկ Ալոյան
Փաստաբան Նարեկ Ալոյանը ֆեյսբուքյան իր էջում գրել է․ «Իր իրավունքների պաշտպանության նպատակով ինձ է դիմել Արթուր Չախոյանը։
Արթուր Չախոյանի վերաբերյալ քրեական վարույթը բովանդակային առումով Էդգար Կուչուկյանի մասին չէ, այն կոռուպցիայի, կոռուպցիայի դեմ պայքարի և կոռուպցիայի դեմ պայքարում պետության վճռականության մասին է։
ՀՀ գլխավոր դատախազի և Արթուր Չախոյանի հանդիպումը կազմակերպելու նպատակով վաղը առավոտյան կից հրապարակված դիմումը կուղարկեմ ՀՀ գլխավոր դատախազին։
Առայժմ այս գործի մասին կարող եմ հրապարակել միայն այն` ինչը նշված է դիմումում։
Հետագա զարգացումների մասին կտեղեկացնեմ լրացուցիչ»։
