«Հանձնվելն ու կոտրվելը դավաճանություն է նահատակների և ապրողների նկատմամբ». Շարմազանով
Էդուարդ Շարազանովը ֆեյսբուքյան իր էջում գրում է․ «Հանձնվելն ու կոտրվելը դավաճանություն է նահատակների և ապրողների նկատմամբ։
Համատարած բնական ապատիայի ժամանակաշրջան է տիրում։
Ժողովուրդ, գիտեմ, որ կենացներ ասելով երկիր չես սարքի, բայց հայ ժողովուրդը հազարապատիկ ավելի ողբերգական օրեր է ունեցել։
Հաղթահարել ենք ու ոտքի կանգնել։
Մեզ ուզում են կամազուրկ, անհույս ու անհավատ դարձնել։
Չի ստացվելու։
Պետք է սթափվել, ուշքի գալ ու կառուցել մեր հոգևոր ու ազգային Հայաստանը։
Այլընտրանքը թշնամու ստրուկ դառնալն է։
Հույս, Հավատ և Սեր։
Կոտրվել չկա։
Անկախությունից ու ազգային պետության վեհ գաղափարից հրաժարում չի լինելու։
Արթնացիր, հայ մարդ։
Հայկը չի պարտվելու ոսոխ բելին»։
