ՀՀ ԿԳՄՍ նախարարը դիմել է Լեռնային Ղարաբաղից բռնի տեղահանված ուսուցիչներին
ՀՀ կրթության, գիտության, մշակույթի և սպորտի նախարար Ժաննա Անդրեասյանը դիմել է Լեռնային Ղարաբաղից բռնի տեղահանված ուսուցիչներին՝ նրանց խնդրելով իրենց տվյալներն ուղարկել նախարարության էլեկտրոնային հասցեին:
Այս մասին նախարարը գրառում է կատարել «Ֆեյսբուք»-ի իր պաշտոնական էջում:
«ԼՂ-ի սիրելի ուսուցիչներ, մենք հավաքագրում ենք ձեր տվյալները, որպեսզի կարողանանք ավելի հարթ ու նաև լրացուցիչ աջակցության պայմաններով կրթական համակարգում աշխատելու հնարավորություններ ապահովել։ Խնդրում եմ ձեր տվյալներն ուղարկել նախարարության էլեկտրոնային հասցեին՝ [email protected], որպեսզի հնարավորինս հասցեական կարողանանք կազմակերպել գործընթացը»,-ընդգծել է Անդրեասյանը:
