Քաջարան-Մեղրի ավտոճանապարհին բեռնատարը դուրս է եկել երթևեկելի հատվածից և կողաշրջվել. կա զոհ
Սեպտեմբերի 29-ին, ժամը 17։37-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհի 242-րդ կմ-ին տեղի է ունեցել ՃՏՊ` բեռնատարը շրջվել է. կան տուժածներ:
Ինչպես տեղեկանում ենք ՆԳՆ ՓԾ տարածած հաղորդագրությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ:
Մինչ փրկարարների կանչի վայր հասնելը՝ վարորդը հոսպիտալացվել է ԲԿ։
Պարզվել է, որ Քաջարան-Մեղրի ավտոճանապարհի 12-րդ կմ-ին «FAW» մակնիշի բեռնատարը դուրս է եկել երթևեկելի հատվածից և կողաշրջվել, ինչի հետևանքով ուղևորը տեղում մահացել է:
Փրկարարները հոսանքազրկել են ավտոմեքենան, ավտոկռունկի օգնությամբ ուղևորի դին դուրս բերել բեռնատարի տակից և մոտեցրել դի տեղափոխող մեքենային:
