Ընտրություն «ժանտախտի ժամի՞ն». Կգտնվի՞ այն «դավաճանը», ով եղանակ կփոխի. «Իրավունք»
«Իրավունք» թերթը գրում է. «Մինչ Արցախ Հանրապետությունը գուժում է իր կազմալուծման մասին, արցախցիները փորձում են հաղթահարել բռնագաղթի ճամփան ու եղելության հետեւանքները` Երեւանում դեռ ոչ մի կերպ չի լուծվում Երեւանի քաղաքապետի ընտրության շուրջ առկա թնջուկը:
«Իրավունքի» տեղեկություններով` քաղաքապետարան անցած բոլոր ուժերի շարքերում կան մտադրություններ` գնալ արտահերթ ընտրության: Ըստ էության, երկու անգամ քաղաքապետի ընտրությունը կտապալվի, եթե չգտնվի այն «դավաճանը», ով եղանակ կփոխի` իր քաղաքական թիմից անկախ` հօգուտ Ավինյանի, քանի որ «Հանրային ձայն» – «Մայր Հայաստան» – «Ազգային առաջընթաց» կուսակցություններն այդպես էլ ընդհանուր հայտարարի առ այս պահը չեն եկել»:
