Նշվել է, թե որ ջերմաստիճանի դեպքում աշխատողն իրավունք ունի պակաս աշխատել
Գործատուն պարտավոր է կրճատել աշխատողների աշխատանքային ժամերը, եթե շոգ եղանակին նա չի կարող սենյակում որոշակի պայմաններ ապահովել, Sputnik ռադիոյին տված հարցազրույցում ասել է փաստաբան, Աշխատանքային իրավունքների ասոցիացիայի անդամ Օլեգ Բաբիչը։
Ռուսաստանի Դաշնության աշխատանքային օրենսգիրքը գործատուներին պարտավորեցնում է միջոցներ ձեռնարկել, որպեսզի իրենց աշխատողները կատարեն մասնագիտական առաջադրանքները առողջության համար հնարավորինս անվտանգ պայմաններում: Ամառային շոգին, օրինակ, աշխատանքային օրվա տևողությունը պետք է կրճատվի, եթե արտադրական կամ գրասենյակային տարածքում ջերմաստիճանը գերազանցի 28 աստիճանը, ըստ shantnews-ի՝ նշել է Բաբիչը։
«Ստանդարտ աշխատանքային օրվա առավելագույն նորմը 28 աստիճան է, եթե սենյակում ջերմաստիճանը գերազանցում է այս շեմը 0,5 աստիճանով, ապա աշխատանքային օրը պետք է կրճատվի մեկ ժամով, եթե օդը տաքանա մինչև 29 աստիճան, ապա երկու ժամ 30,5 աստիճան ջերմաստիճանում՝ չորս ժամով»,- պարզաբանել է նա։
Ըստ կանոնների՝ գործատուն պետք է հոգա աշխատողներին բժշկական օգնություն ցուցաբերելու մասին, եթե շենքում ջերմաստիճանը նորմայից բարձր է, շարունակել է Բաբիչը։ Նա հավելել է, որ աշխատավայրերում պետք է լինեն առաջին բուժօգնության փաթեթներ։ Բացի դրանից, ըստ փաստաբանի, կանոնակարգերը պահանջում են, որ շոգ եղանակին աշխատողներին ապահովվի խմելու ջուր։
Գործատուն պարտավոր է աշխատողներին ապահովել սառը ըմպելիքներով նման բարձր ջերմաստիճանի դեպքում։ Շոգին անհնար է առանց ջրի աշխատել, եզրափակել է Բաբիչը։
