Հունաստանում այսօր խորհրդարանական ընտրություններ են
Հունաստանում կիրակի առավոտյան սկսվել է խորհրդարանական ընտրությունների քվեարկությունը։
Հանրապետությունում բացվել է 21634 ընտրատեղամաս։ Արտերկրում 102 ընտրատեղամասում քվեարկությունը տեղի է ունեցել շաբաթ օրը։
Քվեարկությունը կշարունակվի մինչև ժամը 19.00-ն (ժամը համընկնում է Մոսկվայի հետ): Exit poll-ի տվյալները կհրապարակվեն ընտրատեղամասերի փակվելուց անմիջապես հետո, իսկ առաջին պաշտոնական տվյալները սպասվում են 20.30-ին։
Ընտրացուցակներում ընդգրկված է 9,92 մլն մարդ։ Քվեարկելու իրավունք ունեն այն քաղաքացիները, ովքեր ընտրական տարում դառնում են 17 տարեկան:
Հույները չորս տարով պետք է ընտրեն միապալատ խորհրդարանի 300 պատգամավոր։
Ընտրություններին մասնակցում է 32 կուսակցություն և կոալիցիա։
