Լուսինե Կիրակոսյանի առողջական վիճակը շարունակում է ծայրահեղ ծանր մնալ
ՀՀ վաստակավոր արտիստ Լուսինե Կիրակոսյանը մարտի 17-ին շտապօգնության մեքենայով տեղափոխվել էր «Էրեբունի» բժշկական կենտրոն: Նա առ այս պահը դեռ գտնվում է կենտրոնի վերակենդանացման բաժանմունքում:
«Լուսինե Կիրակոսյանի առողջական վիճակում փոփոխություն չկա, նա շարունակում է մնալ ծայրահեղ ծանր վիճակում, շարունակվում է ինտենսիվ բուժումը»,- 168.am-ի հետ զրուցում հայտնեցին բուժհաստատությունից:
Հիշեցնենք, որ դերասանուհին 3 օր առաջ էր տեղափոխվել Էրեբունի բժշկական կենտրոն, նրա մոտ ախտորոշվել էր երկկողմանի թոքաբորբ:
