Մղձավանջները կարող են լինել Պարկինսոնի հիվանդության զարգացման նշան. բժիշկ Ագապկին
Վերականգնող բժիշկ և հեռուստահաղորդավար Սերգեյ Ագապկինը խոսել է մղձավանջների և Պարկինսոնի հիվանդության զարգացման կապի մասին։ Այս մասին, ըստ shantnews-ի՝ նա հայտարարել է «Ռոսիա 1» հեռուստաալիքի եթերում։
«Պարկինսոնի հիվանդությունն ունի մի շարք առանձնահատկություններ, որոնք առաջանում են առաջին կլինիկական ախտանիշների ի հայտ գալուց շատ առաջ։ Սրանք, օրինակ, մղձավանջներ են»,- ասել է բժիշկը։
Ագապկինն ընդգծել է, որ այս հիվանդության զարգացման մասին կարող է վկայել նաև հոտառության կորուստը։
Նախկինում Բեթեսդայի Առողջապահության ազգային ինստիտուտի գենետիկները պարզել էին, որ նեյրոդեգեներատիվ հիվանդությունների զարգացումը կարող է կապված լինել վիրուսային վարակների հետ:
Գիտնականները տվյալներ են ստացել ֆիննական FinnGen նախագծից և բրիտանական Biobank-ից, որոնք միասին պարունակում են ավելի քան 800 000 մարդու գենետիկ տվյալներ։ Վերահսկիչ խմբում ներառվել է 96390 մարդ՝ առանց նեյրոդեգեներատիվ հիվանդությունների։
