Միանշանակորեն հնարավոր էր խուսափել պատերազմից. Ձյունիկ Աղաջանյան
Արտակարգ և լիազոր դեսպան Ձյունիկ Աղաջանյանը «Կանայք այս դժվար պատմական փուլում» թեմայով քննարկման ժամանակ անդրադառնալով «Հնարավո՞ր էր խուսափել պատերազմից» հարցին՝ հիշեցրեց հայտնի արտահայտությունը՝ երբ լռում է դիվանագիտությունը, սկսում են հնչել թնդանոթները:
Դեսպանը համոզված է՝ պատերազմից հնարավոր էր խուսափել, եթե միտումնավոր և հետևողական սխալները չարվեին:
«44-օրյա պատերազմը, որը, կարծում եմ, ի սկզբանե նախատեսված էր, որ շատ ավելի կարճ պետք է տևեր և այլ հետևանքներ ունենար, քան ունեցավ՝ մեր զինվորների անձնուրաց զոհաբերությունների գնով,- նշեց Ձյունիկ Աղաջանյանը՝ ցավով արձանագրելով,- Մենք մեր գործող իշխանության քայլերի հետևանքով հայտնվել ենք աշխարհաքաղաքական շախմատի տախտակի վրա, որտեղ քայլեր են արվում մեր փոխարեն՝ հստակ նպատակ ունենալով այս տարածաշրջանից որոշակի ուժերի դուրս մղելու և դրա փոխարեն այլ ուժեր բերելու՝ մեր հայրենիքի հաշվին: Եվ սա է այն վտանգը, որի առաջ մենք այսօր կանգնած ենք»:
Բանախոսը հավելեց՝ այսօր մենք գտնվում ենք մի աղետից մյուս աղետի միջանկյալ հատվածում:
Մանրամասները՝ տեսանյութում
