Բաքուն շտապում է սկսել Արցախից ռուս խաղաղապահ զորքերի դուրսբերման գործընթացը. Արմեն Մանվելյան
Միջազգայնագետ Արմեն Մանվելյանը ցավով արձանագրում է՝ աշխարհաքաղաքական զարգացումներն ընթանում են ոչ հօգուտ Հայաստանի: Իսկ պատճառը, ըստ նրա, գործող քաղաքական ռեժիմի հակահայկական դիրքորոշումն է:
Արմեն Մանվելյանը լրագրողների հետ ճեպազրույցում մանրամասնեց՝ ՀՀ իշխանություները որդեգրել են դիրքորոշում՝ ժամանակավոր դիվիդենտների դիմաց հնարավորինս շատ զիջումների գնալ:
«Սա շատ լավ հասկանում են Բաքվում: Բաքվի շահերից է բխում հնարավորինս արագացնել գործընթացները, և նաև դրանով օրինական հնարավորություն ստանալ՝ սկսել Արցախից ռուս խաղաղապահ զորքերի դուրսբերման գործընթացը:
Պարզ է, որ հիմնական խնդիրն Արևմուտք-ՌԴ հակամարտությունն է, որը լայնամասշտաբ ընթանում է Ուկրաինայում. Արևմուտքը հստակ խնդիր է դրել իր առջև՝ դուրս բերել ռուսական զորքերը Հարավային Կովկասից»,- մանրամասնեց միջազգայնագետը:
