«Այս հայտարարությունը ցույց է տալիս, որ պետք է շարունակել մեծ աղմուկ բարձրացնել՝ Արցախը հումանիտար աղետի առաջ է»
Տաթևիկ Հայրապետյանը տելեգրամյան իր ալիքում գրում է․ «Ադրբեջանի ԱԳՆ–ն հայտարարում է, թե «իրենց ակտիվիստները չեն փակել Լաչինի միջանցքը, այլ ռուս խաղաղապահներն են այն փակել»։
Երևի գազն էլ հայկական կողմն է անջատել, իսկ Ադրբեջանը խաղաղության աղավնի է տարածաշրջանում:
Այս հայտարարությունը ցույց է տալիս, որ պետք է շարունակել մեծ աղմուկ բարձրացնել՝ Արցախը հումանիտար աղետի առաջ է: Ադրբեջանը Արցախի համար թիվ մեկ սպառնալիքն է, ուստի չկա այլընտրանք Արցախի հայերի ինքնորոշման իրավունքի իրացմանը»:
