Կատարից 10 մլրդ դոլար` Թուրքիային
Ինչպես հայտնում է «Reuters» լրատվական գործակալությունը, Կատարը Թուրքիայի համար կարող է նոր ֆինանսական աղբյուր դառնալ։
Գործակալությունը, ըստ ermenihaber.am–ի՝ հիմնվում է երկու թուրք պաշտոնյաների հայտնած տեղեկության վրա, ըստ որի՝ նախատեսվում է Թուրքիային փոխանցել 8-10 միլիարդ դոլար, որի մի մասը՝ մոտ 2-3 միլիարդը, մինչև տարեվերջ։
Նշվում է, որ այն կօգտագործվի տոկոսադրույքների իջեցումով պայմանավորված արժույթի տատանումները հավասարակշռելու համար։
Թուրք պաշտոնյաները հայտնել են, որ երկու երկրների ղեկավարների մակարդակով տեղի ունեցած հանդիպումների ժամանակ արդեն համաձայնություն է ձեռք է բերվել։
Վերջին հանդիպումը տեղի էր ունեցել ֆուտբոլի աշխարհի առաջնության բացման ժամանակ, երբ Թուրքիայի նախագահ Ռեջեփ Թայիփ Էրդողանը մեկնել էր Կատար։
