Ինչպիսի՞ն է լինելու նոր iOS 17-ը
Տասից ավելի նորամուծություններ ցուցադրված են մեկ տեսանյութում։ Օգտատերերը «դինամիկ կղզում» սպասում են նոր աշխատասեղանի, ինտերակտիվ վիդջեթների և Siri-ի։
YouTube-ի Concept Central ալիքի հեղինակը ցուցադրել է iOS 17-ի հայեցակարգը։ Թարմացումը կհայտնվի միայն 2023 թվականի հունիսին, իսկ էնտուզիաստը որոշել է երազել։ Նրա կարծիքով, այսպիսի տեսք ունի նոր սերնդի «խնձորի» որոնվածը:
Ընդհանուր առմամբ, համակարգը պահպանել է iOS 16-ի առանձնահատկությունները, սակայն ստացել է փոքր նորամուծություններ.
- Ինտերակտիվ վիդջեթներ՝ դրանք կարելի է կառավարել անմիջապես էկրանից,
- Նոր հավելվածի պատկերակներ,
- Կողպէկրանի թվային ժամացույցը հայտնվել է հիմնական էկրանին,
- Վերանախագծված կառավարման վահանակ,
- Վիդջեթ համակարգ ծանուցումների համար,
- Անհատական հավելվածների արգելափակում,
- Աշխատասեղանները կիսելու ունակություն:
iOS 17-ի որոշ բարելավումներ ազդեցին միայն iPhone 14 Pro-ի վրա: Այսպիսով, Siri-ն և clipboard-ը թաքնված էին «դինամիկ կղզում»: Հավելվածների գրադարանի նոր դիզայնը և ստեղնաշարի թարմացված տեսքը կարող եք տեսնել նաև տեսանյութում։
Կհայտնվի՞ արդյոք այս ամենը, մենք կկարողանանք ստուգել միայն 9 ամիս հետո։
Սիրարփի Աղաբաբյան
