««Մանչեսթեր Սիթին» այս պահին աշխարհի լավագույն թիմն է». Կլոպ
Յուրգեն Կլոպը կիսվել է «Լիվերպուլի»՝ «Մանչեսթեր Սիթիի» դեմ խաղի սպասելիքներով։
«Ես սիրում եմ նախապատրաստվել հանդիպումներին։ Բայց սա ամենամեծ մարտահրավերն է, որին կարող ես դիմակայել ֆուտբոլում, քանի որ ֆուտբոլը տարածք փակելն է, խաղացողներին փակելը, ճիշտ դիրքերում աշխատելը:
Բայց եթե փակեք «Մանչեսթեր Սիթին» մի տեղում, նրանք մյուս տեղում կլինեն: Եթե փակում ես այս բացը, բացում ես մեկ ուրիշը: Այսպիսով, դա միշտ էլ մարտահրավեր է: Այնպես չէ, որ մենք հիմա ուրիշ ենք զգում կամ նման բան: Դեռ տնային խաղ է, «Էնֆիլդն» է: «Ման Սիթիի» դեմ մենք ենք։
Այո, նրանք այս պահին աշխարհի լավագույն ֆուտբոլային թիմն են։ Բայց մենք ամեն դեպքում կփորձենք՝ իմանալով, որ երաշխիքներ չկան։ Լրիվ «Էնֆիլդը» կօգնի մեզ, և մենք կփորձենք օգտագործել այն»,- ասել է «Լիվերպուլի» մարզիչը:
