Երանուհի Թումանյանցն ազատվել է Արդարադատության նախարարի տեղակալի պաշտոնից
Նիկոլ Փաշինյանի որոշմամբ՝ Երանուհի Թումանյանցը ազատվել է Արդարադատության նախարարի տեղակալի պաշտոնից: Այս մասին հայտնում է e-gov.am կայքէջը:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Երանուհի Թումանյանցին ազատել արդարադատության նախարարի տեղակալի պաշտոնից»,- նշված է որոշման մեջ:
Երանուհի Թումանյանցը ՀՀ արդարադատության նախարարի տեղակալի պաշտոնում նշանակվել էր 2021 թվականի սեպտեմբերի 30–ին։
Ավելի վաղ, ՀՀ ԱԺ «Քաղաքացիական պայմանագիր» խմբակցությունը սեպտեմբերի 26–ին ՀՀ արդարադատության նախարար Կարեն Անդրեասյանին և արդարադատության նախարարի տեղակալ Երանուհի Թումանյանցին առաջադրել էր որպես Բարձրագույն դատական խորհրդի անդամի թեկնածուներ։
