Խուլիգանության համար հետախուզվող տղամարդը հայտնաբերվել է անգիտակից վիճակում
Հոկտեմբերի 4-ին, ժամը 01.15-ին, հիվանդանոցից հաղորդում է ստացվել, որ շտապօգնության խումբը Վարդանանց փողոցի շենքերից մեկի բակից բուժօգնության է տեղափոխել անգիտակից վիճակում գտնվող տղամարդու:
Ոստիկանության Կենտրոնական բաժնի ծառայողների ձեռնարկած միջոցառումների շնորհիվ պարզվել է, որ նա 46-ամյա Սամսոն Խ.-ն է, որը 2021 թ. սեպտեմբերի 29-ից ոստիկանության Արաբկիրի բաժնի կողմից հետախուզվում էր ՀՀ նախկին քրեական օրենսգրքի 258-րդ հոդվածի (Խուլիգանությունը) մեղադրանքով:
Խափանման միջոցը՝ ստորագրություն:
