Սարգիս Ադամյանը մասնակցել է «Քյոլնի» Կոնֆերենցիաների լիգայի հանդիպմանը
Հայաստանի ֆուտբոլի ազգային թիմի անդամ Սարգիս Ադամյանը մասնակցել է Կոնֆերենցիաների լիգայի «Նիս»-«Քյոլն» հանդիպմանը:
Ֆուտբոլի Կոնֆերենցիաների լիգայի խմբային փուլի անդրանիկ տուրում «Քյոլն» արտագնա խաղում մրցել է «Նիսի» հետ: Հանդիպումն ավարտվել է ոչ-ոքի`1:1 հաշվով: Հայաստանի ֆուտբոլի ազգային թիմի կիսապաշտպան Սարգիս Ադամյանը «Քյոլնի» մեկնարկային կազմում չէր, սակայն փոխարինման է դուրս եկել 56-րդ րոպեին:
Կոնֆերենցիաների լիգայի երկրորդ տուրում «Քյոլնը» կմրցի «Սլովաչկոյի» հետ: Այդ հանդիպումը կկայանա սեպտեմբերի 15-ին:
