Այժմ դիտարկվում է միայն Փոթիի տարբերակը. նախարարը՝ Լարսի և Լարսի այլընտրանքի մասին
«Հիմա վերջնական աշխատանքներ ենք տանում, շուտով կհրապարակվի չվացուցակը»,- կառավարությունում լրագրողների հետ ճեպազրույցը լաստանավային փոխադրումների ժամկետների մասին ծանուցմամբ սկսեց Էկոնոմիկայի նախարար Վահան Քերոբյանը:
Լրագրողների հարցադրումներին ի պատասխան՝ նախարարը հորդորեց սպասել, ապա վստահեցրեց, որ մոտակա օրերին արդյունքներ կլինեն:
«Դա հեշտ հարց չէր՝ մանավանդ, որ զուգորդվում է այսպիսի ծանր աշխարհաքաղաքական փոփոխություններով և ճնշմամբ»,- հավելեց Վահան Քերոբյանը՝ տեղեկացնելով, որ այժմ դիտարկվում է միայն Փոթիի տարբերակը:
Վերին Լարսում առկա իրավիճակին անդրադառնալով՝ նա նշեց, որ թեև արագ փչացող ապրանքների տեղափոխման խնդիր չկա, քանի որ դրանք անցնում են առանց հերթի, սակայն խնդիր կա այլ ապրանքների առնչությամբ:
«Մենք շարունակում ենք աշխատանքը ռուս գործընկերների հետ, որպեսզի տարբեր ուղղություններով մեծացնենք Վերին Լարսի թողունակությունը»,- հայտնեց Վահան Քերոբյանը:
Մանրամասները՝ տեսանյութում
