Կորոնավիրուսով կրկնակի վարակման նվազագույն ժամկետը 60 օր է․ NCDC
2020 թվականի փետրվարից մինչև 2022 թվականի հուլիսը Վրաստանում գրանցվել է կորոնավիրուսով կրկնակի վարակման 138 հազար 331 դեպք։ Առաջին և վերջին հաստատումների միջև միջին ժամանակահատվածը 305 օր է, նվազագույնը՝ 60, իսկ առավելագույնը՝ 767 օր։ Այս մասին, ըստ aliq.ge-ի՝ ասվում է Հիվանդությունների վերահսկման և հանրային առողջության ազգային կենտրոնի
(NCDC) վերջին հաղորդագրության մեջ։
Նախորդ զեկույցի համաձայն՝ կորոնավիրուսի առաջին և երկրորդ հաստատման միջև ամենակարճ ժամանակահատվածը եղել է 69 օր։
Կրկնակի վարակման դեպքերից 101 հազար 306 (73 տոկոսը) կրկնակի վարակման դեպքերը գրանցվել են շտապօգնության աշխատակիցների մոտ։
Ըստ զեկույցի՝ վիրուսով կրկնակի վարակված քաղաքացիներից՝ 53 հազար 194-ը (38 տոկոսը) եղել են տղամարդիկ, իսկ 85 հազար 137-ը (62 տոկոսը)՝ կանայք։
