«DHL Express»-ը սեպտեմբերի 1-ից կդադարեցնի բեռնափոխադրումները Ռուսաստանում
DHL Express բեռների և փաստաթղթերի էքսպրես-առաքման միջազգային ընկերությունը սեպտեմբերի 1-ից կդադարեցնի Ռուսաստանի տարածքում պատվերների փոխադրման ծառայությունները։ Այս մասին, ինչպես տեղեկացնում է «Իզվեստիա.ռու»-ն, հայտնել են ընկերությունից։
«2022 թվականի սեպտեմբերի 1-ից Ռուսաստանի Դաշնությունում ապրանքների և փաստաթղթերի առաքման ծառայություններ չեն մատուցվի»,- ասված է հաղորդագրության մեջ։
Որպես պատճառ նշվում են տեղեկատվական համակարգերի և ենթակառուցվածքների գործունեության հետ կապված տեխնիկական դժվարությունները և իրավական սահմանափակումները։
«DHL International» ընկերությունը մուտք չի ունենա DHL Express համաշխարհային տեղեկատվական համակարգին, որը պատասխանատու է Ռուսաստանում աշխատանքի ավտոմատացման համար։
