Կաթնաշոռային խմորից պատրաստված ծիրանով շտրուդել

Բաղադրիչներ

1. Ծիրան – 200 գ

2. Կաթնաշոռ – 100 գ

3. Կարագ – 50 գ + տապակը պատելու համար

4. Ալյուր – 100 գ

5. Շաքարավազ – 40 գ

6. Ձու (շտրուդելին քսելու համար) – 1 հատ

7. Օսլա – 1 թ/գ

8. Դարչին

9. Շաքարի փոշի

Պատրաստման եղանակը

1. Կաթնաշոռը և փափուկ կարագը տրորել 2 ճ/գ շաքարավազի հետ:

2. Աստիճանաբար ավելացնելով ալյուրը՝ հունցել փափուկ կաթնաշոռային խմոր: Ծածկել սննդային թաղանթով և 2 ժամով դնել սառնարանը:

3. Սառած խմորը բաժանել 2 մասի (2 շտրուդելի համար): Ծիրանը լվանալ, չորացնել, կիսել, կորիզները հեռացնել:

4. Խմորը գրտնակել և ձևավորել 3 մմ հաստությամբ շերտ:

5. Շերտի մի եզրին շարել կիսած ծիրանները, վրաներն օսլա և շաքարավազ շաղ տալ:

6. Շերտի ազատ մնացած մասին ձվի սպիտակուց քսել և վրան շաղ տալ մնացած շաքարավազը: Փաթաթել ռուլետի նման:

7. Ծիրանով ռուլետները դնել յուղապատ տապակին, վրան դեղնուց քսել և դարչին շաղ տալ:

8. Թխել նախապես 180 աստիճան տաքացրած ջեռոցում մոտ 25 րոպե:

9. Երբ սառչեն, վրաները շաքարի փոշի շաղ տալ, կտրատել և մատուցել:

Պատրաստեց Անի Գաբուզյանը