Շվեդիան կարող է չեղարկել Թուրքիային զենք վաճառելու արգելքը
Շվեդական «Expressen» թերթը գրում է, որ Շվեդիայի կառավարությունը ցանկանում է չեղարկել Թուրքիային զենք վաճառելու արգելքը (էմբարգո), որը սահմանել էր Թուրքիայի նկատմամբ դեռևս 2019 թվականից։ Այս մասին տեղեկացնում է ermenihaber.am-ը։
«Expressen»-ի հետ զրույցում Շվեդիայի ռազմավարական ապրանքների տեսչության (ISP) զենքի արտահանման վերահսկման գրասենյակի ղեկավար Կարլ Էվերթսոնը հայտնել է, որ Շվեդիայի պաշտպանական արդյունաբերությունը վերանայում է պահանջները անվտանգության քաղաքականության շրջանակներում։ Նաև նշել է, որ ներկայումս անվտանգային միջավայրի վրա մեծապես ազդող իրադարձություններ են տեղի ունենում։
Ըստ այդմ՝ Շվեդիան Թուրքիայի նկատմամբ զենքի էմբարգոյի վերացման ուղղությամբ արդեն դրական ազդակներ է տալիս՝ հույս ունենալով, որ Թուրքիան էլ պատասխան դրական ազդակներ կտա Շվեդիայի՝ ՆԱՏՕ-ին անդամակացությանը:
