«Ռոսպոտրեբնադզոր»-ում հայտնել են, թե երբ կարող է սկսվել COVID-19-ի նոր ալիքը
Կորոնավիրուսային ինֆեկցիան ավելի ու ավելի շատ է ձեռք բերում սեզոնային ինֆեկցիայի հատկանիշներ, ուստի համաճարակային գործընթացը կարող է ակտիվանալ աշնանը: Այդ մասին ՌԻԱ Նովոստիին հայտարարել է «Ռոսպոտրեբնադզոր»-ի Համաճարակաբանության գիտահետազոտական կենտրոնի կլինիկա-վերլուծական աշխատանքի հարցերով փոխտնօրեն Նատալյա Պշենիչնայան:
«Այն բանի հետ կապված, որ COVID-19-ն ավելի ու ավելի շատ է ձեռք բերում սեզոնային ինֆեկցիայի հատկանիշներ, SARS-CoV2-ի համաճարակային գործընթացը նույնպես կարող է ակտիվանալ աշնանը»,-ասել է Պշենիչնայան: Նա պարզաբանել է, որ աշունը տարվա այն ժամանակն է, երբ տեղի է ունենում շնչուղիների բազմաթիվ ինֆեկցիաներով, այդ թվում՝ սեզոնային կորոնավիրուսներով հիվանդացության սեզոնային աճ:
