
ՌԴ ԱԳՆ-ն զգուշացնում է Շվեդիայի՝ ՆԱՏՕ-ին անդամակցելու «զգալի վնասի» մասին

ՌԴ ԱԳՆ-ն արձագանքել է ՆԱՏՕ-ին Շվեդիայի՝ անդամակցության վերաբերյալ հայտարարությանը: Այս մասին տեղեկացնում է «ՌԻԱ Նովոստի»-ն:
«Շվեդիայի անդամակցությունը ՆԱՏՕ-ին էական վնաս կհասցնի Հյուսիսային Եվրոպայի անվտանգությանը և ընդհանուր Եվրոպա մայրցամաքին»,- նշել է ՌԴ ԱԳՆ-ն:
Մայիսի 15-ին Շվեդիայի իշխող Սոցիալ-դեմոկրատական կուսակցությունը հայտարարել է, որ մտադիր է ՆԱՏՕ-ին անդամակցելու հայտ ներկայացնել: Շվեդիայի վարչապետ Մագդալենա Անդերսոնը նշել է, որ ՆԱՏՕ-ին անդամակցելը դրական ազդեցություն կունենա երկրի և շվեդ ժողովրդի անվտանգության վրա։