«Ոստիկանությունը բացահայտ զբաղվում է քաղաքականությամբ․ երթևեկող մեքենաներից իջեցրել է վարորդներին և ապօրինի ձերբակալել է»․ Արսեն Բաբայան
Արսեն Բաբայանը ֆեյսբուքյան իր էջում գրում է․ «Ոստիկանությունը բացահայտ զբաղվում է քաղաքականությամբ
Այսօր առավոտյան հարյուրավոր քաղաքացիներ խաղաղ անհնազանդություններ էին իրականացնում Երևանում, որի արդյունքում ամբողջությամբ խցանված էր Երևանի բոլոր մուտքերը:
Որպես խաղաղ հավաքի ձև ընտրվել էր ավտոերթը: Ոստիկանությունը դիմել է աննախադեպ ապօրինության. երթևեկող մեքենաներից իջեցրել է վարորդներին և ապօրինի ձերբակալել, որի հետևանքվ ավտոմեքենաները մնացել են փողոցում:
Վարորդները որևէ այնպիսի խախտում թույլ չեն տվել, որի համար հնարավոր կդառնար նրանց ձերբակալել:
Այդպիսի ապօրինությամբ ոստիկանությունը, փաստորեն, սահմափակել է քաղաքացիների խաղաղ հավանքներ անցկացնելու սահմանադրական իրավունքը՝ արգելելով հավաքի անցկացման ձևի ազատ ընտրությունը: Այլ կերպ ասած՝ ոստիկանությունը ոչ թե կիրառել է օրենքը, այլ՝ քաղաքական գործողությամբ խոչընդոտել է խաղաղ հավաքի անցկացման ձևին և բովանդակությանը:
Հրավիրում եմ միջազգային կառույցների ուշադրությունը:
ՄԻՊ-ին չանհանգստացնեք, վարսավիրանոց է գնացել»:
