Այս հրապարակը մեր հրապարակն է. ժամը 19։00-ին հանրահավաք Ֆրանսիայի հրապարակում. Իշխան Սաղաթելյան
Այսօր՝ ժամը 19։00-ին հանրահավաք է լինելու Ֆրանսիայի հրապարակում՝ օրվա աշխատանքը ամփոփելու և վաղվա աշխատանքները պլանավորելու, հայտարարել է ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը:
Ըստ այդմ՝ ժամը 4-ից բողոքի ակցիաները կդադարեցվեն:
«Այս հրապարակը մեր հրապարակն է: Լուրեր են պտտվում, որ հնարավոր է՝ բռնություն գործադրեն: Բայց էս գլխից ասեմ՝ չեք կարա, ՀՀ բոլոր հրապարակները ժողովրդի տրամադրության տակ են: Նիկոլը ՀՀ-ում իշխանություն չունի, սա պիտի փաստել մինչև վերջ»,- շեշտել է Սաղաթելյանը:
Իշխան Սաղաթելյանը հայտնել է, որ մայրաքաղաքի փողոցներից բացի, փակվել են նաև մարզային մայրուղիները։
«Այս պահին փակ են Սևան-Երևան մայրուղին, Սպիտակ, Ալավերդի, Ապարան, Մասիս, Գյումրի․․․»,- ասել է Իշխան Սաղաթելյանը։
Ըստ նրա, բերման ենթարկվածները 200-ից ավելի են:
