Ապրիլի 5, 18։30 ԱԶԱՏՈՒԹՅԱՆ հրապարակ․ Ասա՛ քո ՈՉ-ը՝ հանուն Արցախի, հանուն Հայրենիքի
Վտանգված է Հայրենիքը, Արցախի Հանրապետությունը, արցախահայությունը։ Թշնամին վերջնականապես կործանում է Արցախը, Հայաստանի իշխանությունն ընդունում է ադրբեջանական պահանջը։ Իշխանական զիջումները բերելու են նոր պատերազմի, Արցախի Հանրապետության վերացմանը, մեր երկրի անվտանգության խաթարմանը:
Այս իշխանությանը ոչ ոք չի լիազորել հրաժարվել Արցախից, մեր երեսնամյա պայքարից, հաղթանակներից ու պետականությունից:
ՄԻԱՍՆԱԿԱՆ Ո՛Չ ասենք Արցախը զիջելուն, Արցախի հայաթափմանը։
Միասին տեր լինենք Արցախին, տեր կանգնենք մեր Հայրենիքին։
Այսօր մեր դիրքորոշումից ու հակադարձող ուժից է կախված Արցախի լինելիությունը։
Միասին կկանգնե՞նք, ուրեմն կհաջողենք։ Ամեն մեկս ունի պատասխանատվություն՝ հանուն մեր նահատակների, հանուն մեր զավակների ու ապագա սերունդների։
Գիտակցված ու հաստատակամ, յուրաքանչյուրիս մեկ ՈՉ-ով է միավորվելու հուժկու հակազդումը՝ կանխելու հայրենադավ կործանումը:
Կողք-կողքի կանգնենք ապրիլի 5-ին, ժամը 18։30-ին Ազատության հրապարակում՝ հանուն ՝ Արցախի ապագայի, մեր երկրի անվտանգության, Հայաստանի և Արցախի Հանրապետությունների լինելիության։
Գեղամ Մանուկյան
