Պեսկովը վաղ է համարում խոսել Պուտին-Զելենսկի հանդիպման մասին
Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի հնարավոր հանդիպման մասին խոսելը դեռևս վաղ է: Ինչպես փոխանցում է «Արմենպրես»-ը, այս մասին ՏԱՍՍ-ին ասել է ՌԴ նախագահի մամուլի քարտուղար Դմիտրի Պեսկովը:
Ավելի վաղ Բելառուսի նախագահ Ալեքսանդր Լուկաշենկոն հայտարարել էր, որ խաղաղ բանակցությունների առաջընթացի պարագայում չի բացառում Ռուսաստանի և Ուկրաինայի նախագահների հանդիպման հնարավորությունը:
«Դեռևս վաղ է նման եզրահանգումների գալ»,- ասել է Պեսկովը՝ պատասխանելով հարցին, թե արդյոք Կրեմլում դիտարկում են նման հնարավորությունը:
