Ռուս-ուկրաինական իրավիճակը մտահոգիչ է` Հայաստանը պետք է պատրաստ լինի զարգացումներին. Էդուարդ Աղաջանյան
ԱԺ արտաքին հարաբերությունների մշտական հանձնաժողովի նախագահ, ՔՊ-ական պատգամավոր Էդուարդ Աղաջանյանն այսօր ասուլիսի ժամանակ անդրադառնալով ռուս-ուկրաինական պատերազմի վերաբերյալ Հայաստանի դիրքորոշմանը, փոխանցեց, թե իր կարծիքով՝ Նիկոլ Փաշինյանը դիրքորոշում արտահայտել է:
«Հայաստանը, բնականաբար, խորապես մտահոգված է ընթացիկ իրավիճակով: Մենք ու մեր ժողովուրդը, ցավոք, պատերազմի արհավիրքների հետևանքները մեր մաշկի վրա զգալով, կարողանում ենք ապրումակցել և գնահատել իրավիճակը: Հայաստանը, բնականաբար, հանդես է գալիս բանակցային ճանապարհով հարցերի լուծման կողմնակից: Իհարկե, այս գործընթացը մտահոգիչ է, և Հայաստանը լինելով միջազգային հանրության անդամ և, բնականաբար, ունենալով որոշակի դիրքորոշում: Բացի դրանից, մտահոգված է մեր տարածաշրջանում այս գործընթացի հետևանքներով, մենք շատ ուշադիր հետևում ենք զարգացումներին, և ՀՀ-ն ևս պետք է պատրաստ լինի այն հետևանքներին, որոնք կարող են ի հայտ գալ ռուս-ուկրաինական որևէ զարգացման արդյունքում: Բնականաբար, ամենացանկալի զարգացումը կլինի օր առաջ ռազմական գործողությունների դադարեցումը»,- նշեց Էդուարդ Աղաջանյանը:
Մանրամասները՝ 168.am-ի տեսանյութում
