Նիկոլ Փաշինյանի օգնությամբ Թուրքիան և Ադրբեջանը ձգտում են մեկ խնդիր լուծել՝ թուլացնելով կլանել Հայաստանը

«Պրեսսինգ» հաղորդաշարում Սաթիկ Սեյրանյանի հյուրն իրանագետ Վարդան Ոսկանյանն է:

Բանախոսը համոզված է.

• Եթե կիրառում ես ադրբեջանական տեղանուններ, դու ըստ էության կոլլաբորացիայի մեջ ես թշնամական պետության հետ:

• Իշխանությունների վարքագիծն ազդում է Հայաստան-Իրան հարաբերությունների վրա, բայց իրանցիներն ընդհանրապես վարում են վերիշխանական քաղաքականություն:

• Ադրբեջանական կողմն ինտենսիվ աշխատում է Իրանի հետ, 44-օրյա պատերազմի ընթացքում եղել են պարբերական շփումներ Ադրբեջանի և Իրանի արտգործնախարարների, փոխարտգործնախարարների միջև:

• Ադրբեջանցիներն Իրանի ներսում կարողացել են ստեղծել ոչ միայն լոբբիստական խմբեր, այլև միջին օղակներում կարողանում են նաև հակահայկական մթնոլորտ ձևավորել:

• Իրանի ներսում պրոհայկական տրամադրությունները սկսում են նվազել, որովհետև մենք որպես պետություն չենք աշխատում:

• Տեղանունների պատերազմը մեր դեմ Բաքվի բռնապետի կարևորագույն պատերազմն է, որը մեր երկրի ներսում շարունակում են ՀՀ գործող իշխանությունները:

• Բաքվի բռնապետը նպատակ է դրել շրջափակման միջոցով մաս-մաս վերցնել Սյունիքը:

• Եթե մարդն ընդհանրապես չունի պատկերացում պետական կառավարման մասին, ապա ամեն ինչ կարելի է սպասել նրանից:

• Նիկոլ Փաշինյանը միայն մեկ ցանկություն ունի՝ պահպանել իր աթոռը: Եթե չլինի Հայաստանի Հանրապետությունը՝ որպես անկախ պետություն, ապա չի լինի նաև այդ աթոռը:

• Մենք այսօր ոչ թե խոսում ենք Շուշիի և Հադրութի դեօկուպացիայի մասին, այլ խոսում ենք Հայաստանի դեօկուպացիայի մասին:

• Մենք ինչո՞ւ ենք շտապում գործընթացն արագացնել:

• Մենք պետք է կարողանանք գնահատել մեր առաջնահերթությունները, ընկալել, որ գործ ունենք ողբերգության հետ:

• Նման անհաջողություն տարած քաղաքական գործիչը պետք է կարողանա ընդունել սխալը և ազնվորեն դրա մասին ասել հանրությանը: Նման քաղաքական գործիչը պետք է հեռանա:

• Հայաստանի իշխանությունները ոչ միայն չեն կարողացել փոխել երկրի կուրսը դեպի Արևմուտք, այլ ընդհանրապես տապալել են և ավելի շատ կախվածության մեջ են հայտնվել ՌԴ-ից:

• Թուրքիա-Իրան հարաբերություններ. Թուրքիան կարևորագույն օղակ է դարձել Իրանի պատժամիջոցները շրջանցելու համար:

• Եթե Իրանի և Թուրքիայի միջև գոյություն ունեցող խութերը չի հաջողվում կառավարել, ապա Իրանի շահերից է բխում հարթել դրանք:

• Այս իշխանությունները խնդրահարույց են՝ ոչ միայն Իրանի, այլև միջազգային հանրության համար տարօրինակ է այս իշխանությունների տարերային վարքագիծը:

• Սյունիքում ստեղծվել է տարօրինակ իրավիճակ՝ մեզ փորձում են հանգստացնել այլընտրանքային ճանապարհներով:

• Մենք այլևս հետխորհրդային Հայաստանի տարածք չենք, Թուրքիան է մտել մեր տարածք:

• Մեր դաշնակցին բոլորովին ձեռնտու չէ, երբ մենք դրսևորում ենք անողնաշար քաղաքականություն:

• Թուրքիան և Ադրբեջանը ձգտում են մեկ խնդիր լուծել՝ թուլացնելով կլանել Հայաստանը: