Ի՞նչ է նախատեսված այսօր Ազատության հրապարակում սպասվող հանրահավաքին
Այսօր ժամը 18։00-ին Ազատության հրապարակում տեղի է ունենալու «Հայաստան» դաշինքի նախաձեռնած հանրահավաքը։
168.am-ի հետ զրույցում ԱԺ «Հայաստան» խմբակցության պատգամավոր Գեղամ Մանուկյանն ասաց, որ հանրահավաքի ժամանակ լինելու են ելույթներ, ներկայացվելու են հարցեր ու դիրքորոշումներ։
Ըստ պատգամավորի, նախատեսված է, որ ելույթ կունենան «Հայաստան» խմբակցության պատգամավոր Վահե Հակոբյանը, «Վերածնվող Հայաստան» կուսակցության ներկայացուցիչներ, ԱԺ փոխնախագահ Իշխան Սաղաթելյանը, ելույթով հանդես կգա Ռոբերտ Քոչարյանը և այլք։
Հիշեցնենք, որ ԱԺ «Պատիվ ունեմ» խմբակցությունը, Հանրապետական կուսակցությունը նախապես հայտարարել էին, որ մասնակցելու են հանրահավաքին։
