Նենադ Լալովիչը վերընտրվել է Ըմբշամարտի միջազգային ֆեդերացիայի նախագահի պաշտոնում

Բելգրադում անցկացվեց ըմբշամարտի միջազգային ֆեդերացիայի (UWW) հաշվետու-ընտրական կոնգրեսը: Այս մասին հայտնում է ՀԱՕԿ-ը:

Նախագահի պաշտոնում երկրորդ անգամ վերընտրվեց սերբ Նենադ Լալովիչը: Համաժողովում քննարկվեցին ֆեդերացիայի զարգացման ծրագիրը, ռազմավարությունը, նախորդ տարիների ֆինանսական հաշվետվությունը և այլ հարցեր: Գործկոմի կազմը փոփոխություն չկրեց:

Մտքերի փոխանակություն ծավալվեց «Փարիզ-2024» ամառային Օլիմպիական խաղերի շուրջ: Ընդամենը երեք տարի է մնացել այդ մարզահանդեսին: Արդեն մշակվել է ըմբիշների խաղերին մասնակցելու որակավորման փուլերի համակարգը:

Վարկանիշային առաջին արտոնագրերը կխաղարկվեն Կրասնոյարսկում երկու տարի հետո անցկացվելիք աշխարհի առաջնությունում: