Քրեական օրենսգրքի երեք հոդվածի հատկանիշներով հետախուզվողը հայտնաբերվել է
Ոստիկանության Մալաթիայի բաժնի քրեական հետախույզները ստացած օպերատիվ տեղեկությունն իրացրին անչափահասների գործերով և ընտանիքում բռնության կանխարգելման բաժանմունքի ծառայողների հետ համատեղ:
Սեպտեմբերի 7-ին, ժամը 11.45-ին, մայրաքաղաքի Մաշտոցի պողոտայում նրանք հայտնաբերեցին և բաժին բերման ենթարկեցին 44-ամյա մի տղամարդու, որն անցած տարվա հուլիսի 30-ից գտվում էր հետախուզման մեջ: Նրան մեղադրանք էր առաջադրվել քրեական օրենսգրքի երեք հոդվածով` 178-րդ` Խարդախություն, 179-րդ Յուրացնելը կամ վատնելը և 345-րդ` Արգելանքի տակ գտնվող կամ բռնագրավման ենթակա գույքի նկատմամբ ապօրինի գործողությունները: Խափանման միջոց էր ընտրվել կալանքը:
Նույն օրը տղամարդը տեղափոխվել է քրեակատարողական հիմնարկ:
