Նարնջի և կիտրոնի հյութ, որն ակնթարթորեն հագեցնում է ծարավը

Բաղադրիչներ

1. Նարինջ – 4 հատ

2. Կիտրոն – 2 հատ

3. Ջուր – 5 լ

4. Շաքարավազ – 400 գ

Պատրաստման եղանակը

1. Կաթսայի մեջ ջուր լցնել: Երբ այն եռա, ավելացնել շաքարավազը: Լավ խառնել և նորից հասցնել եռման: Հետո թողնել, որ ջուրը սառչի մինչև 20-30 աստիճան:

2. Նախապատրաստել մրգերը: Խորը թասի մեջ տեղավորել մրգերը, վրան եռացրած ջուր լցնել և թողնել 3 րոպե, որպեսզի ավելորդ դառնությունը վերանա:

3. Նարինջը և կիտրոնը շերտատել կեղևի հետ միասին: Հեռացնել կորիզները: Նարինջը և կիտրոնն անցկացնել մսաղացով կամ հարել բլենդերով:

4. Կիտրոնի և նարնջի խյուսը լցնել խորը թասի մեջ, ավելացնել օշարակը: Թողնել սենյակային ջերմաստիճանում 5-6 ժամ:

5. Պատրաստի զանգվածը քամել թանզիֆի միջոցով: Ստացված հյութը լցնել ապակե տարաների մեջ և պահել սառնարանում:

Պատրաստեց Անի Գաբուզյանը