Գազարով թեթև աղանդեր, որով կարելի է զարմացնել բոլորին

Բաղադրիչներ

1. Գազար – 220 գ

2. Կաթ – 1 բաժակ

3. Ձու – 1 հատ

4. Սպիտակաձավար – 30 գ

5. Ձվի սպիտակուց – 1 հատ

6. Ալյուր – 20 գ

7. Կարագ – 35 գ

8. Աղ – 1 պտղունց

Պատրաստման եղանակը

1. Գազարը մաքրել և մանր կտրատել:

2. Գազարը պետք է փափկի: Գազարի վրա կաթ լցնել և միջին կրակի վրա եփել 20 րոպե:

3. Թողնել՝ սառչի և բլենդերով հարել, մինչև ստացվի միասեռ զանգված:

4. Գազարին ավելացնել ալյուր, շաքարավազ, սպիտակաձավար, ձու և փափուկ կարագ: Նորից լավ հարել բլենդերով:

5. Առանձին թասի մեջ հարել սպիտակուցն աղով:

6. Սպիտակուցը զգուշությամբ մի քանի անգամից ավելացնել գազարի զանգվածին և խառնել:

7. Թխելու համար նախատեսված փոքր մի քանի կաղապար յուղապատել, սպիտակաձավար շաղ տալ և լցնել ստացված զանգվածը՝ թողնելով վերևից մի փոքր ազատ տեղ:

8. Կաղապարները դնել նախապես 180 աստիճան տաքացրած ջեռոցում:

9. Երբ թխվածքը կարմրի (դրա համար պետք է մոտ 20 րոպե), անջատել ջեռոցը և թողնել, որ սառչի:

10. Այս գեղեցիկ սուֆլեն կարելի է մատուցել հենց կաղապարներով: Ըստ ցանկության՝ կարող եք զարդարել հատապտուղներով կամ կտրատված մրգերով:

Պատրաստեց Անի Գաբուզյանը