Ճապոնիայում ռեկորդային գնով՝ 12․700 դոլարով խաղողի ողկույզ է վաճառվել
Հուլիսի 16–ին ճապոնական Իսիկավա պրեֆեկտուրայի Կանաձավա քաղաքում տեղի ունեցած աճուրդի ժամանակ ռեկորդային 1,4 մլն իենով (12 700 դոլար) վաճառվել է «հռոմեական ռուբին» հազվագյուտ տեսակի խաղողի ողկույզը:
ՏԱՍՍ գործակալությունը` հղում անելով տեղական աղբյուրին, գրում է, որ Կանաձավայում անցկացվող աճուրդի ժամանակ երրորդ տարին անընդմեջ ռեկորդ է սահմանվում տվյալ տեսակի խաղողի ողկույզի վաճառքի համար:
Այս տարի այն գնել է Թայվանում ճապոնական սուպերմարկետների ցանցի սեփականատերը:
