Քուվեյթում օդի ջերմաստիճանը հասել է արևի տակ +70 աստիճանի. Al Ra
Քուվեյթում օդի ջերմաստիճանը վերջին օրերին անգամ այս մերձավորարևելայն երկրի համար ռեկորդային ցուցանիշներ է գրանցում՝ ստվերում +53,3 աստիճան՝ ըստ Ցելսիուսի, +70 աստիճան՝ արևի տակ: Ինչպես հայտնում է ՏԱՍՍ գործակալությունը՝ Al Rai թերթին հղումով, այս տարվա ամառը, այսպիսով, դարձել է վերջին մոտ 70 տարվա ամենաշոգ ամառը:
Անոմալ շոգի ֆոնին երկրի իշխանությունները կոչ են արել բնակիչներին խնայողաբար սպառել էլեկտրաէներգիան, ինչպես նաև նորերով փոխարինել տների ու գրասենյակների հին օդափոխիչները, քանի որ դրանք լուրջ ծանրաբեռնվածություն են տեղական էլեկտրահամակարգի համար:
Ինչպես նշում է մասնագետը, ավանդաբար այս ժամանակաշրջանում Պարսից ծոցում սկսվում է «Էլ Բավարեհ» սեզոնը, որը տևում է մոտ 40 օր և բնութագրվում է «քամու մեծ արագությամբ` Արաբական թերակղզում մթնոլորտային ճնշման և հնդկական սեզոնային ընկճախտի (Հնդկական օվկիանոսում ձևավորվող արևադարձային ցիկլոն՝ 14-17 մ/վրկ և ավելի քամու արագությամբ) ճնշման միջև մեծ տարբերության պատճառով»:
Նա կարծում է, որ տարածաշրջանում և աշխարհում կլիմայի լուրջ փոփոխությունների պատճառով առաջիկա 50 տարիների ընթացքում Քուվեյթում ամռանն օդի միջին ջերմաստիճանը կարող է հասնել +60 աստիճանի:
