Կուբայական աղցան՝ հավի մսով և ավոկադոյով

Բաղադրիչներ

1. Հավի փափկամիս – 1 հատ

2. Լայմ – 2 հատ

3. Ավոկադո – 1 հատ

4. Նարինջ – 1 հատ

5. Կարմիր սոխ – 1 հատ

6. Թարմ անանուխ – 10 գ

7. Ձիթայուղ – 90 մլ

8. Հազարի թերթիկներ – 150 գ

9. Աղ, շաքարավազ, սև պղպեղ

Պատրաստման եղանակը

1. Հավի միսը բարակ շերտատել և 5-10 րոպե մարինացնել լայմի հյութի մեջ, աղ և պղպեղ ցանել: Այնուհետև տապակել բուսայուղով, մինչև ոսկեգույն կեղև կապելը:

2. Նարինջը մաքրել, հանել բոլոր սպիտակ մասերը, թաղանթները, շերտատել: Սոխը շերտատել, ավոկադոն կիսել, կորիզը հեռացնել, կեղևազրկել և շերտատել:

3. Լայմի հյութը խառնել մանրացրած անանուխի, 60 մլ յուղի, շաքարավազի, աղի և պղպեղի հետ:

4. Խառնել հազարը, հավը, ավոկադոն և նարինջը լայմային սոուսով և մատուցել:

Պատրաստեց Անի Գաբուզյանը