«Ակումբները չեն կարող դուրս գալ Սուպերլիգայից: Ոմանք, ճնշման պատճառով, ասացին, որ հեռանալու են». Պերես
Մադրիդի «Ռեալի» և Եվրոպայի Սուպերլիգայի նախագահ Ֆլորենտինո Պերեսը ասել է, որ ակումբները չեն կարող դուրս գալ մրցաշարից:
– Եթե այս տեղեկությունները ճիշտ են, Սուպերլիգայի 12 ակումբներ ոչ միայն պայմանագիր են կնքել, այլևս չեն կարող լքել նախագիծը մինչև 2025 թվականը ՝ առանց հարյուր միլիոնավոր եվրոյի տուգանքներ վճարելու: Ճի՞շտ է։
– Ես չեմ պատրաստվում ժամանակ վատնել՝ բացատրելու համար, թե ինչն է այստեղ պարտադիր: Բայց փաստն այն է, որ ակումբները չեն կարող դուրս գալ մրցաշարից:
Ոմանք ճնշման պատճառով ստիպված էին ասել, որ դուրս կգան: Բայց այս նախագիծը կամ դրան շատ նման մի բան տեղի կունենա, և հուսով եմ, որ մոտ ապագայում:
– Սուպերլիգան ֆինանսավորող JP Morgan-ը որոշե՞լ է դուրս գալ նախագծից:
– Ճիշտ չէ, նրանք էլ չհեռացան: Նրանք 12 ակումբի նման ժամանակ ունեին մտածելու: Եթե ինչ-որ բան պետք է փոխել, դա կփոխվի, բայց Սուպերլիգան լավագույն նախագիծն է, որը մենք կարծում էինք, որ կարելի է անել: Այն, ինչ մենք պետք է անենք, երկրպագուներին, երիտասարդներին հետ բերելն է: Եվ դրա համար անհրաժեշտ է ճշգրտումներ կատարել:
ՈւԵՖԱ-ն ցանկանում է դա անել օրերս հայտարարած նախագծով (խոսքը Չեմպիոնների լիգայի բարեփոխումների մասին է), բայց չեմ կարծում, որ սա լավ որոշում է: Ավելին, նրանք ցանկանում են սկսել 2024 թվականից: Տեսնենք, թե որ թիմերն են դիմակայելու»,-ասել է Պերեսը:
Հիշեցնենք, որ ավելի վաղ Der Spiegel գերմանական հրատարակությունը հրապարակել էր պայմանագրի որոշ մանրամասներ, որոնք ստորագրել էին Սուպերլիգայի մասնակից ակումբները: 167 էջանոց պայմանագրով այն ստորագրած ակումբները պարտավորվել են 23 տարի մասնակցել մրցաշարին:
Իր գոյության ընթացքում Սուպերլիգան լքելու համար սահմանվել է տուգանք առնվազն 150 միլիոն եվրոյի (130 միլիոն ֆունտ) կամ նախորդ չորս մրցաշրջանների ընթացքում ակումբի կողմից ստացված գումարի 25%-ի չափով: Այս երկրորդ տարբերակով ակումբը ստիպված կլիներ ավելի մեծ գումար վճարել:
Միևնույն ժամանակ, պայմանագիրը նախատեսում է նաև Սուպերլիգայից դուրս գալ այնպիսի իրավիճակում, քանի դեռ ներդրողից գումար չի ստացվել և լիգայում իրավական իրավիճակը չի պարզվել: Բացի այդ, այլ ակումբների շարքում չպետք է լինի մեկից ավելի «դեմ» ձայն: Այս պարագայում հարկավոր չէ վճարումներ կատարել:
Սիրարփի Աղաբաբյան
