Բացահայտվել է ընտանեկան բռնության դեպք
Ապրիլի 17-ին ոստիկանության Էրեբունու բաժին ընտանեկան բռնության վերաբերյալ ահազանգ էր ստացվել:
Դեպքի վայր մեկնած ոստիկանները պարզել են, որ ապրիլի 15-ին, ժամը 19.00-ին, Գաջեգործների փողոցի շենքերից մեկում, վիճաբանության ժամանակ, 48-ամյա տղամարդը դանակով հարվածել է կնոջ քթին, ապա կտրվածքներ արել կրծքավանդակի շրջանում, նաև խփել ձեռքերով ու ոտքերով՝ կնոջը պատճառելով մարմնական վնասվածքներ:
Տղամարդը բերման է ենթարկվել Էրեբունու բաժին և ձերբակալվել:
Բերման ենթարկվածի տան նկուղից ոստիկաններին է ներկայացվել «ԱԿ-74» ինքնաձիգ, փամփշտատուփեր և սվին-դանակ:
Նշանակվել են փորձաքննություններ։
Կատարվում է նախաքննություն։
