«Սուպերլիգան ոչնչացնում է երազանքը»․ ԱՊԼ
Անգլիայի Պրեմիեր լիգան հայտարարություն է տարածել՝ կապված Եվրոպական Սուպերլիգայի առաջիկա մեկնարկի հետ:
«Պրեմիեր լիգան դատապարտում է ցանկացած առաջարկ, որը հակասում է մրցակցության բացության սկզբունքին և ազգային և եվրոպական ֆուտբոլային բուրգի հիմքում ընկած մարզական սկզբունքին:
Անգլիայի և ամբողջ Եվրոպայի ցանկացած ակումբի երկրպագուները մեր օրերում կարող են երազել, որ իրենց թիմը բարձրանա գագաթ և խաղա լավագույնների դեմ: Մենք հավատում ենք, որ Եվրոպական Սուպերլիգայի գաղափարը կկործանի այս երազանքը:
Պրեմիեր լիգան հպարտանում է մրցակցային և հետաքրքիր ֆուտբոլային մրցումների անցկացման կապակցությամբ՝ այն դարձնելով աշխարհի ամենահայտնի լիգան: Մեր հաջողությունը մեզ հնարավորություն տվեց անզուգական ֆինանսական ներդրում ունենալ անգլիական ֆուտբոլի բուրգում:
Եվրոպական Սուպերլիգան կխախտի խաղի գրավչությունը և խորապես կործանարար ազդեցություն կունենա Պրեմիեր լիգայի և նրա անդամ ակումբների անմիջական և երկարաժամկետ հեռանկարների, ինչպես նաև բոլոր նրանց վրա, ովքեր կախված են մեր ֆինանսավորումից: Մենք աշխատելու ենք երկրպագուների, Անգլիայի ֆուտբոլի ֆեդերացիայի, ինչպես նաև այլ շահագրգիռ կողմերի հետ տանը և արտերկրում՝ անգլիական ֆուտբոլի ամբողջականությունն ու հեռանկարները պաշտպանելու համար»,-ասվում է հայտարարության մեջ:
Սիրարփի Աղաբաբյան
