Լուկաշենկոն ապրիլի 13-ին երկօրյա այցով կմեկնի Բաքու․ սպասվում է երկկողմ փաստաթղթերի կստորագրում
Բելառուսի նախագահ Ալեքսանդր Լուկաշենկոն ապրիլի 13-ին այցով կմեկնի Ադրբեջան հայտնում է minval.az-ը՝ հղում տաոլով Բելառուսի նախագահի մամուլի ծառայությանը։
Լուկաշենկոն Բաքու է մեկնելու երկօրյա այցով, որի ընթացքում երկու անգամ հանդիպելու է Ադրբեջանի նախագահ Իլհամ Ալիևի հետ։ Հանդիպումներից առաջինը տեղի է ունենալու Լուկաշենկոյի՝ Բաքու ժամանելուն պես, որի ընթացքում ոչ պաշտոնական միջավայրում պետությունների ղեկավարները կքննարկեն Մինսկի և Բաքվի հարաբերությունների հիմնական ուղղությունները և երկկողմ համագործակցության ռազմավարական խնդիրները:
Բանակցությունների պաշտոնական մասը նախատեսված է չորեքշաբթի, որի ընթացքում նախագահները նեղ և ընդլայնված ձևաչափերով հանդիպումներ են ունենալու։ Հանդիպումների ընթացքում ուշադրություն է դարձվելու առևտրատնտեսական փոխգործակցության ընդլայնմանը և նոր բովանդակությամբ համագործակցությանը, քննարկվելու է արդյունաբերական համագործակցության, սննդամթերքի արտադրության և մատակարարման, գյուղմթերքների վերամշակման ոլորտում ընթացիկ և ապագա ծրագրերի իրականացման վերաբերյալ հարցերին։ Մտքեր են փոխանակվելու նաև միջազգային օրակարգի արդիական հարցերի շուրջ։
Սպասվում է, որ բանակցությունների արդյունքում երկկողմ փաստաթղթեր են ստորագրվելու։
